ESTAFET/ Soçi şəhərində keçirilən mövsümün 4-cü yürüşü - Rusiya Qran-Prisinin qalibi Mercedesin yeni pilotu Valtteri Bottas olub. Yürüşdən dərhal sonra, Bottas əsas hədəfinin dəyişmədiyini - Dünya çempionatınım qalibi olmaq istədiyini bildirib.

Bottas: "Əhval-ruhiyyəm möhtəşəmdi. Bu qələbə üçün 80 yürüş keçməli oldum. Ancaq gözləntilər doğruldu, axı bu müddət ərzində çox şey öyrəndim. Mənim üçün Mercedesə keçmək üçün gözlənilməz şans yarandı və bu şans bugünkü qələbəmi mümkün etdi. Hamıya bunun üçün təşəkkür etmək istəyirəm. Mövsümün əvvəli çox çətin alındı, biz Ferrari ilə mübarizə aparırdıq və bugün də rəqabət çox kəskin idi. Qələbə qazandıq, lakin bizə hücüm etmək və qələbələr qazanmaq lazımdır. Bütün bunlar bizim planımızdadı, mən isə indi sadəcə çox xoşbəxtəm. Karyeramın əsas hədəfi çempionluq tituludur və bunun üçün çalışmağa davam edəcəm"