“Fənərbaxça” prezident seçkilərinin vaxtını açıqladı
ESTAFET/ Türkiyənin “Fənərbaxça” klubunda prezident seçkilərinin vaxtı müəyyənləşib. İstanbul təmsilçisinin İdarə Heyətinin Növbədənkənar Seçki toplantısı iyunun 12-13-də keçiriləcək.
Mayın 29-30-da baş tutması planlaşdırılan, səs çoxluğu toplanmayacağı halda iyunun 5-6-da təşkili nəzərdə tutulan seçkilər iki həftə sonraya təxirə salınıb. Buna səbəb koronavirus pandemiyası ilə bağlı məhdudiyyətlərin tətbiqidir. Toplantının gündəliyi isə iyunun 5-6-da təşkil olunacaq görüşdə müəyyənləşəcək.
