ESTAFET/ Futbol üzrə UEFA Konfrans Liqasına hazırlığını davam etdirən klublarımızdan ikisi - “Qarabağ” və "Sumqayıt" bu gün yoxlama oyunu keçiriblər.

Ağdamlılardan fərqli, bu, “gənclik şəhəri” təmsilçisinin yeni mövsümün toplanışı çərçivəsində ilk matçı olub. “Azersun Arena”da baş tutan qarşılaşmanın ilk yarısında komandalar hərəyə bir dəfə fərqlənib. Lakin ikinci hissədə "Qarabağ" iki cavabsız qol vuraraq qalib gəlib. 

Qeyd edək ki, “Qarabağ” iyunun 26-da bu arenada keçirdiyi ilk yoxlama görüşündə “Keşlə”ni 7:0 hesabı ilə məğlub edib.

Yoxlama görüşü
30 iyun 2021
18:30. “Qarabağ” – “Sumqayıt” 3:1
Qollar: İsmayıl İbrahimli 25, Seyxan Fərəcov 55, Filip Ozobiç 86 : Rəhim Sadıxov 40
“Azersun Arena”