Azərbaycan Respublikası Prezidenti Yanında Gənclər Fondunun dəstəyi ilə 18-19 dekabr tarixlərində Qusar rayonunun Ləzə kəndi yaxınlığında “Xüsusi Xilasetmə Düşərgəsi” adlı layihə həyata keçirilmişdir. Layihənin keçirilməsində əsas məqsəd gənclərimizin ekstremal idman növlərinə və ekstremal turizmə maraqlarının artırılması, fiziki hazırlıqlarının buna uyğunlaşdırılması metodikası, ekstremal şəraitdən çıxış yollarının öyrənilməsi, xilasetmə ləvazimatları ilə tanışlıq və istifadə qaydalarınin öyrənilməsindən ibarətdir.
Layihə 2 hissədən ibarətdir. Nəzəri cəhətdən iştirakşılar təhlükəsizlik qaydaları, metodları ilə tanış olub, praktiki hissədə isə 2 gün müddətində iştirakçılar dağ kəndində özləri xilasetmə işlərinin iştirakçıları olublar.
Layihənin təlimçiləri qismində 3-cü dərəcəli dağçı, dağlarda xilasedici - Sirxan Məmmədov və Gənc Dağçılar Klubunun rəhbəri - Toğrul Rəcəb iştirak ediblər.