Rzayeva Avropa birinciliyində mübarizəni dayandırdı
ESTAFET/ Gürcüstanın paytaxtı Tbilisidə yeniyetmə boksçular arasında Avropa birinciliyi davam edir. Yarışın beşinci günündə Azərbaycan millisinin 1 üzvü rinqə çıxıb.
1/4 final mərhələsi çərçivəsində baş tutan qarşılaşmada Emili Rzayeva (63 kq) Karolina Kunu (Polşa) sınağa çəkib. Döyüş rəqibin qələbəsi ilə başa çatıb.
Qeyd edək ki, 30 ölkədən 339 (224 oğlan, 115 qız) boksçunun mübarizə apardığı yarışda final görüşləri iyulun 11-də baş tutacaq. Bu gün isə 1/4 final mərhələsinin qarşılaşmaları təşkil olunacaq.
