ESTAFET/ Bakı 2017 IV İslam Həmrəyliyi Oyunlarının proqramına daxil edilmiş Basketbol 3X3 yarışlarında bu gün son görüşlər keçirilib.

İlk olaraq, qadın basketbolçular İslamiada medallarının bölgüsünü aparıblar. Bürünc uğrunda Türkiyə və Türkmənistan yığmaları qarşılaşıblar. 13:9 hesablı qələbə Türkiyə basketbolçularına İslamiadanın bürünc medallarını qazabdırıb.

Finalda Afrika təmsilçisi Mali yığması ilə görüşən qadınlardan ibarət basketbol yığmamız 13:7 hesabı ilə qalib gəliblər və Oyunları çempion kimi başa vurublar.

Daha sonra meydançaya kişi basketbolçular çıxıblar. Qadın basketbolunda olduğu kimi, burada da bürünc medal uğrunda Türkiyə Türkmənistan yığmasını sınağa çəkib və qarşılaşmanı 17:10 hesablı qələbə ilə bitirib.

Finalda Qətər yığmasına 13:9 hesalı məğlubiyyət yaşadan yığmamız İslamiadanı qalib bitirib.