ESTAFET/ 2018-ci ildə keçiriləcək kişi voleybolçular arasında Dünya Çempionatının zona üzrə seçmə yarışları başlayıb. Bu gün millimizin də yer aldığı A qrupunda ikinci turun oyunları keçiriləcək. Bu qrupda meydan sahibləri ilə yanaşı Azərbaycan, Türkiyə, Ukrayna, Almaniya və İslandiya komandaları yer alıb. Qrupun oyunları Lion İdman sarayında keçirilir. 

Xəbər verdiyimiz kimi, voleybolçularımız ilk oyunda Türkiyə yığması ilə üz-üzə gəlib və 0:3 hesabı ilə məğlub olmuşdu. İkinci turda millimiz Almaniya qarşısında sınağa çıxıb və bu dəfə də məğlubiyyətdən qaça bilməyib. 

Qrupun digər qarşılaşmalarında meydan sahibləri Ukrayna, Türkiyə isə İslandiya ilə qarşılaşıblar.

17:00 Azərbaycan - Almaniya 0:3 (27:29, 18:25, 18:25)

19:30 İslandiya - Türkiyə 0:3 (18:25, 23:25, 17:25)

22:30 Fransa - Ukrayna 3:0 (25:20, 25:8, 25:15)

Qeyd edək ki, 2018-ci ildə Dünya Çempionatının final mərhələsinə İtaliya və Bolqarıstan birlikdə ev sahibliyi edəcək.