Kyellini “Yuventus”dan gedəcək
ESTAFET/ “Yuventus”un futbolçusu Corco Kyellini Turin təmsilçisini tərk edəcək. 37 yaşlı müdafiəçi A seriyası klubundan ayrılmaq barədə qərar qəbul edib.
Lakin onun gələcəklə bağlı planları hələ dəqiqləşməyib. Kyellini başqa kluba keçmək və ya futbolla vidalaşmaq arasında seçim etməkdə çətinlik çəkir. Onun yalnız yayda yekun qərar verəcəyi gözlənilir.
Qeyd edək ki, müdafiəçi MLS klublarından bir neçə təklif alıb.
