ESTAFET/ 2018-ci ildə keçiriləcək kişi voleybolçular arasında Dünya Çempionatının zona üzrə seçmə yarışları davam edir. Bu gün millimizin də yer aldığı A qrupunda üçüncü turun oyunları keçiriləcək. Bu qrupda meydan sahibləri ilə yanaşı Azərbaycan, Türkiyə, Ukrayna, Almaniya və İslandiya komandaları yer alıb. Qrupun oyunları Lion İdman sarayında keçirilir.

Xəbər verdiyimiz kimi, voleybolçularımız keçirdiyi ilk iki oyunu məğlub olub. Bu tur millimiz özləri kimi hər iki oyunu məğlub olan Ukrayna ilə qarşılaşıb və yenə də məğlub olub.

Qrupun digər qarşılaşmalarında meydan sahibləri Türkiyə, Almaniya isə İslandiya ilə oyundan qalib ayrılıblar.

17:00 Almaniya - İslandiya 3:0 (25:12, 25:12, 25:14)
19:30 Ukrayna - Azərbaycan 3:0 (25:13, 25:23, 25:20)
22:30 Fransa - Türkiyə 3:0 (25:21, 25:18, 25:17)

Qeyd edək ki, 2018-ci ildə Dünya Çempionatının final mərhələsinə İtaliya və Bolqarıstan birlikdə ev sahibliyi edəcək.