ESTAFET/ Sabahdan etibarən Xantı-Mansiyskdə (Rusiya) şahmat üzrə komandalararası Dünya çempionatı başlayır. Həm kişi, həm də qadınlar arasında keçiriləcək çempionatda 10 komanda dairəvi sistemlə yarışacaq.

Azərbaycan bu çempionatda orta reytinqi 2329 olan qadınlardan ibarət komanda ilə iştirak edəcək. Komandamız heyəti aşağıdakı tərkibdə formalaşdırılıb:

Günay Məmmədzadə (2368)

Gülnar Məmmədova (2362)

Ülviyyə Fətəliyeva (2341)

Zeynəb Məmmədyarova (2289)

Xanım Balacayeva (2283)  

Digər iştirakçılar: Rusiya (2508), Çin (2499), Gürcüstan (2459), Hindistan (2417), Polşa (2415), Ukrayna (2406), ABŞ (2324), Vyetnam (2323), Misir (1994).

Qeyd edək ki, Dünya çempionatında hazırkı dünya çempionları, son olimpiadanın mükafatçıları, 4 qitə çempionları, təşkilatçı ölkənin komandaları və FIDE prezidentinin nominantı iştirak edirlər.