Dünyanın tanınmış drift ustalarından biri, adını Ginnesin Rekordlar kitabına yazdıran Livanlı driftçi Abdo Feqali Bakıya gəlib.

Artıq şəhərimizi gəzən dünya şöhrətli drift pilotu paytaxtımızda keçiriləcək beynəlxalq drift çempionatını böyük maraqla gözlədiyini vurğulayıb.

İçərişəhər və  digər tarixi yerlərdə olan Abdo Feqali daha sonra Bayraq Meydanına gedərək orada drift edib.

Qeyd edək ki, bu Abdo Feqalinin Bakıya ilk səfəri deyil. Belə ki, avqust ayında Azərbaycan Avtomobil Federasiyasının təşkilatı dəstəyi ilə paytaxtımıza gələn məşhur driftçi “Red Bull Car Park Drift” yarışının iştirakçılarına master klass keçib.

Şəhərimizi çox bəyəndiyini deyən drift idmançısı sonda “Red Bull Car Park Drift” yarışının keçiriləcəyi yerə, Kristal Zalın parkinq ərazisinə yollanıb.

Məhz bu məkanda 16 oktyabr, 12:00-da Beynəlxlaq “Red Bull Car Park Drift” çempionatı keçiriləcək.

Bütün paytaxt sakinlərini və qonaqlarını tədbiri izləməyə dəvət edirik.