Zəfər gününə həsr olunan stolüstü tennis yarışı keçiriləcək
Stolüstü tennis üzrə “Biz bir ölüb, min dirilərik” devizi ilə respublika turniri keçiriləcək.
Zəfər gününə həsr olunan yarışda Azərbaycanın müxtəlif bölgələrindən idmançılar qüvvələrini sınayacaqlar. 28-29 oktyabr tarixlərində Sumqayıt şəhərində yerləşən “Qarabağ NN” stolüstü tennis idman klubunda təşkil olunacaq yarış 2012-ci il təvəllüdlü və daha az yaşlı idmançılar arasında keçiriləcək.
Turnirin qalibləri Azərbaycan Respublikası Gənclər və İdman Nazirliyi və Azərbaycan Stolüstü Tennis Federasiyasının diplom, medal və qiymətli hədiyyələri ilə mükafatlandırılacaqlar.
