Eldəniz Əzizli ulduzlar arasında
ESTAFET/ Dünya Güləş Birliyi (UWW) fevralın 1-dən 5-dək Zaqrebdə (Xorvatiya) keçiriləcək ilin ilk reytinq turnirinə üç ulduz seçib.
UWW sərbəst güləşdən olimpiya çempionu Həsən Yazdanini (İran), qadın güləşindən olimpiya çempionu Yui Susakini (Yaponiya), yunan-Roma güləşindən isə Azərbaycan yığmasının liderlərindən biri, ikiqat dünya və ikiqat Avropa çempionu Eldəniz Əzizlini turnirin ulduz siması kimi fərqləndirib.
Reytinq turnirində Azərbaycanın 31 güləşçisinin iştirakı gözlənilir.
