ESTAFET/ İngiltərənin "Çelsi" klubu İtaliya"Roma"sının müdafiəçisi Antonio Ryudigerin keçidini rəsmən bəyan edib. London klubunda 2 nömrəli futbolkada çıxış edəcək Almaniya yığmasının oyunçusu ilə 5 illik müqavilə bağlanıb. İtaliya klubunun rəsmi saytında açıqlanan məlumatda, transferin 35 milyon (+ 4 milyon bonus) avroya reallaşdığı bildirilib.   

Ryudiger hisslərini belə bölüşüb: "Bu möhtəşəm hisslərdi. Çünki hər futbolçu belə böyük kluba keçmək imkanına malik olmur. Səbirsizliklə yeni komanda yoldaşlarımla görüşü gözləyirəm və fəxr edirəm ki, rəsmən "Çelsi"nin oyunçusu oldum".

Xatırladaq ki, Ryudiger "Roma"ya 2015-ci ilin yayında icarə əsasında "Ştutqart"dan gəlmişdi. Bir il sonra isə romalılar onun transferini almışdılar.