14 avqust Polşada təşkil olunmuş 3x3 basketbol üzrə Dünya Qadın Seriyasının Katovitse mərhələsində qrup oyunlarına start verilib.

Katovitse mərhələsinin əsas qruplarına düşmək uğrunda mübarizə aparan qadın millimiz ilk görüşündə 7-21 hesabı ilə İsrail yığmasına, ikinci oyununda isə 15-16 hesabı ilə Rumıniya millisinə məğlub olaraq mübarizəni təsnifat mərhələsindəcə dayandırıb. B qrupunda qərarlaşmış təmsilçimiz "Neftçi" isə, ilk görüşündə İtalya millisinə 10-13 hesabı ilə məğlub olub. "Neftçi" qrupdakı növbəti oyununu Bakı vaxtı ilə saat 18:55 -də Litva seçməsinə qarşı keçirəcəkdir.

Qeyd edək ki, qruplarda ilk iki yeri tutmuş komandalar 1/4 finala vəsiqə qazanacaqlar