3x3 basketbol üzrə Dünya Qadın Seriyasının Bakı mərhələsində qadın millimiz və "Neftçi" nin qrupları və oyun təqvimləri müəyyənləşib

22-23 avqust tarixlərində doğma Bakımızda 16 komandanın iştirakı ilə 3x3 basketbol üzrə Dünya Qadın Seriyasının növbəti mərhələsi baş tutacaq.

D qrupunda qərarlaşmış 3x3 qadın millimiz Litva və Almaniya milliləri ilə mübarizə aparacaq. Qadın millimizin ilk oyunu 22 avqust saat 18:15 -də Litva  seçməsinə qarşı olacaq. Təmsilçimiz “Neftçi” isə C qrupunda "Yuanda" (Çin) və təsnifat mərhələsi qrupundan lider kimi əsas qruplara qalmağa çalışan üç millidən (İtaliya, Malayziya və Tayland) biri ilə mübarizə aparacaq və ilk oyununu saat 17:50 -də məhz bu yığmalardan biri ilə keçirəcəkdir. Qruplarda ilk iki yeri tutmuş komandalar 1/4 finala vəsiqə qazanacaqlar.

Qeyd edək ki, Bakı mərhələsinin oyunları dənizkənarı bulvarda yerləşən saat qülləsinin yanında keçiriləcək.