STOLÜSTÜ TENNİSÇİMİZ AVROPA ÇEMPİONU OLDU
ESTAFET/ Portuqaliyanın Guimaraes şəhərində keçirilən gənclər arasında Avropa çempionatını stolüstü tennisçilərimiz uğurla başa vurub.
44 Avropa ölkəsindən 520 idmançının iştirak etdiyi çempionatda gənc qızların şəxsi birinciliyində stolüstü tennisçimiz Ning Zhing qızıl medalın sahibi olub.
Gənc qızlardan ibarət millimiz komanda yarışlarında 3-cü yer tutaraq bürünc medal, qoşa yarışlarda 2-ci yeri tutaraq gümüş medal qazanıblar.
Yüksək nəticə əldə edən stolüstü tennisçilərimiz Azərbaycana 1 qızıl, 1 gümüş və 1 bürünc medal qazandırıblar.
