“Bizi güclü rəqibə qarşı əla matç gözləyir” - “Hakken”in futbolçusu
ESTAFET/ İsveçin "Hakken" klubunun futbolçusu Yohan Hammar evdə "Qarabağ"a qarşı keçirəcəkləri Avropa Liqasının qrup mərhələsinin 2-ci turunun oyunu ilə bağlı fikirlərini bölüşüb.
29 yaşlı müdafiəçi doğma meydanda bu turnirin himnini eşitməyin onlar üçün xüsusi olacağını bildirib:
"Bizi güclü rəqibə qarşı əla matç gözləyir. Bacarığımızı göstərə bilsək, qələbə qazanmaq şansımız böyükdür".
Qeyd edək ki, bu gün “Ullevi” stadionunda reallaşacaq qarşılaşma Bakı vaxtı ilə saat 23:00-da başlayacaq.
Müəllif: Orxan NOVRUZOV
