"Xarı Bülbül Şuşa” avrokubokda növbəti mərhələyə yüksəlib

Kişi voleybolçulardan ibarət  “Xarı Bülbül Şuşa” Çelenc kubokunda 1/16 final mərhələsinə vəsiqə qazanıb. Şuşa təmsilçisinin 1/32 finalda rəqibi Slovakiyanın “TJ Spartak MYJAVA” klubu olub.

Bu gün komandalar arasında cavab oyunu keçirilib. Dünən 3:0 hesabı ilə qələbə qazanan dübutant bu dəfə də rəqibini məğlub edib (3:1). Bu qələbələrlə təmsilçimiz 1/16 finala yüksəlib.

Növbəti mərhələdə “Xarı Bülbül Şuşa” Yunanıstanın “Panathinaikos ATHENS” klubu ilə üz-üzə gələcək. Komandalar arasında ilk qarşılaşma noyabrın 29-da Yunanıstanda baş tutacaq. Cavab oyununun keçirilmə vaxtı ilə bağlı məlumat veriləcək.

Çelenc kuboku

1/32 final mərhələsi

26 oktyabr

(2-ci oyun)

“TJ SPARTAK MYJAVA” - “Xarı Bülbül Şuşa” 1:3 (22:25, 25:22, 21:25, 21:25)

(1-ci oyun)

“Xarı Bülbül Şuşa” - “TJ SPARTAK MYJAVA” 3:0 (25:23, 25:21, 27:25)

Müəllif: Bəhruz MƏMMƏDOV