ESTAFET/ Şəmkir şəhərində mərhum qrossmeysterimiz Vüqar Həşimovun xatirəsinə həsr olunan ShamkirChess 2016 turniri başlayıb. Qeyd edək ki, artıq üçüncü dəfə keçirilən bu superturnirdə ölkəmiz 4 şahmatçı ilə təmsil olunur - Şəhriyar Məmmədyarov (2748), Teymur Rəcəbov (2726), Eltac Səfərli (2664) və Rauf Məmmədov (2655).

Bunlardan başqa turnirdə dünyaca məşhur Fabiano Karuano (2804 ABŞ), Aniş Giri (2790 Hollandiya), Sergey Karyakin (2779 Rusiya), Pavel Elyanov (2765 Ukrayna), Pentala Harikrişna (2763 Hindistan) və qadınlar arasında Dünya çempionu Xou İfan (Çin 2663) da gücünü sınayır. Bundan əvvəlki hər iki turnirin iştirakçısı və qalibi, Dünya şahmat tacının sahibi norveçli Maqnus Karlsen dünya çempionu adı uğrundakı görüşlərə hazırlığı səbəbindən builki turnirə qatılmayıb. İştirakçılar öz aralarında 9 turun sonunda qalibi müəyyən etməyə çalışacaqlar. 

Bu gün turnirdə ilk turun oyunları keçirilib və bütün görüşlər bərabərliklə yekunlaşıb.

Şəhriyar Məmmədyarov 0.5 - 0.5 Sergey Karyakin
Rauf Məmmədov 0.5 - 0.5 Aniş Qiri
Teymur Rəcəbov 0.5 - 0.5 Hou Yifan
Eltac Səfərli 0.5 - 0.5 Pavel Elyanov
Fabiano Karuana 0.5 - 0.5 Pentala Harikrişna