AZƏRBAYCAN ÇEMPİONATI START GÖTÜRÜR
ESTAFET/ Avqust ayının 18-də bədii gimnastika üzrə 24-cü Azərbaycan Çempionatı start götürəcək.
Gənclər və böyüklər yaş kateqoriyasında yer alan 25 gimnast halqa, top, gürzlər və lentlə zövqlü musiqi və çətin elementlərin ahəngindən yaranan kompozisiyaları icra edərək, medallar uğrunda mübarizə aparacaqlar.
Yarışlarda "Ocaq Sport" Klubu, Bakı Gimnastika Məktəbi, "Start" İdman Klubu, "Zirvə İnternational" İdman Klubu, eyni zamanda Gəncə, Qusar və Kürdəmir təmsilçiləri ilə yanaşı, ölkəmizdə təlim-məşq toplanışında olan xarici idmançılar da iştirak edəcəklər.
