RÜSTƏM ORUCOV BÜRÜNC QAZANDI
Meksikanın Quadalaxara şəhərində World Judo Masters seriyasından olan turnir davam edir. Bu gün turnirə qatılan 7 cüdoçumuzdan 1-i tatami üzərinə çıxıb və bürünc medala sahib olub. 73 kq çəki dərəcəsində yığmamızın və dünya reytinqinin lideri Rüstəm Orucov ardıcıl olaraq Viktor Skvortcov (BƏƏ) və Dirk van Tichelti (Belçika) məğlub edərək yarımfinala vəsiqə qazanıb. Burada yapon Soichi Hashimotoya məğlub olan Rüstəm 3-cülük görüşünə çıxmalı olub. Lakin rəqib An Changrimin (C.Koreya) zədə səbəbindən görşə çıxmayıb və Rüstəm turnirin bürünc medalını qazanıb.
