“Turan Tovuz” Türkiyəyə yollanacaq
ESTAFET/ Yeni mövsümün hazırlığının ilk mərhələsini başa vuran “Turan Tovuz” təlim-məşq toplanışının ikinci mərhələsi üçün qardaş Türkiyəyə yollanacaq.
Klubun mətbuat xidmətinin məlumatına görə, komanda iyulun 26-dək Ankaranın Qızılcahamam bölgəsində məskunlaşacaq.
“Turan Tovuz” bu müddət ərzində 3 yoxlama oyununda qüvvəsini sınayacaq. Təlim-məşq toplanışı çərçivəsində keçiriləcək yoxlama oyunlarındakı rəqiblər haqda əlavə məlumat veriləcək.
