"Paralimpiya Oyunlarında 5-ci dəfə fəxri kürsüyə yüksəldim" - Raman Salei
Paris-2024 Yay Paralimpiya Oyunlarında S12 kateqoriyasında 100 m məsafəyə arxası üstə üzmə üsulunda gümüş medal qazanan Raman Saleinin fikirləri:
"Paralimpiya Oyunlarında 5-ci dəfə fəxri kürsüyə yüksəldim. Qarşıda məni daha 3 üzmə üsulunda mübarizə gözləyir. Çalışacağam Azərbaycanı layiqincə təmsil edim. Bunun üçün əlimdən gələni edəcəyəm".
Qeyd edək ki, Raman Salei Paris Paralimpiadasında daha 3 kateqoriyada çıxış edəcək. İdmançımız 2 sentyabrda S13 kateqoriyasında 50 m sərbəst, 4 sentyabrda S12-də 100 m sərbəst, 7 sentyabrda isə S12-də 100 m "butterfly" üzmə üsullarında mübarizə aparacaq.
