MƏCİDOV DÇ-NİN FİNALINDA!
ESTAFET/ Xəbər verdiyimiz kimi Hamburqda (Almaniya) boks üzrə Dünya çempionatı davam edir. Dünyanın seçilmiş 280 boksçusu burada 9 gün ərzində 10 çəki dərəcəsində ən güclüləri müəyyən edəcəklər.
Xəbər verdiyimiz kimi, artıq mundialda yarımfinal döyüşlərinə start verilib. Bu mərhələdə olan digər təmsilçimiz Məhəmmədrəsul Məcidov axşam seansında avstraliyalı Josef Qudalla final üçün yumruqlaşıb. İkiqat Dünya çempionumuz 4:1 hesablı qələbə ilə adını finala yazdırıb və 3-cü dəfə DÇ finalında döyüşmək imkanı qazanıb. Finalda Məcidovun rəqibi qazax boksçu Kamşıbek Kunkabayev olacaq.
Xatırladaq ki, dünən keçirilən yarımfinal döyüşündə Kamran Şahsuvarlı (75 kq) məğlub olaraq mundialı bürünc medalla başa vurmuşdu.
