Cüdo üzrə qadınlar və kişilər arasında ölkə çempionatı keçiriləcək
29 noyabr – 1 dekabr tarixlərində Gənclər və İdman Nazirliyinin və Azərbaycan Cüdo Federasiyasının birgə təşkilatçılığı ilə cüdo üzrə qadınlar və kişilər arasında ölkə çempionatı keçiriləcək.
Yarışda ölkənin müxtəlif regionlarından, həmçinin Sumqayıt və Bakı şəhərlərindən olan 300-dən çox cüdoçu medallar uğrunda mübarizə aparacaq.
Bütün cüdo sevərləri Bakı İdman Sarayında idmançılara dəstək olmağa dəvət edirik.
Yarış günlərində Paris 2024 Olimpiya Oyunlarının qalibləri Hidayət Heydərov və Zelim Kotsoyev ilə görüşmək fürsətini qaçırmayın.
Yarışları izləmək üçün arenaya giriş sərbəstdir.
