Quba şəhərində III İdman Festivalının 6-cı günü də maraqlı və əyləncəli proqramla davam edib. Nizami parkında baş tutan tədbirdə 23 idman növündə idmançılar nümunəvi çıxışlar ediblər. Tədbirə şəhər sakinləri də qoşulub, müxtəlif idman növlərində qüvvələrini sınayıblar.

Günün ikinci yarısında parkda konsert proqramı təşkil olunub. Gənc müğənnilər - Azad Şabanov və Elçin Cəfərov sevilən Azərbaycan mahnıları ilə çıxış ediblər. Festival gününə atəşfəşanlıqla yekun vurulub.

Gənclər və İdman Nazirliyi festivalın təşkilində göstərdiyi dəstəyə görə Quba Rayon İcra Hakimiyyətinə təşəkkürünü bildirir.