ESTAFET/ Qadın voleybolçulardan ibarət dünyanın ən güclü komandalarından biri olan Rusiya millisi Bakıya gətirəcəyi heyəti müəyyənləşdirib. Ruslar Bakı səfəri öncəsi məşqçilər heyətində də dəyişiklik ediblər. Belə ki, komandanın baş məşqçi Vladimir Kuzyutkin bundan sonra millidə böyük məşqçi kimi çalışacaq. "Dinamo"nun (Krasnodar) baş məşqçisi Konstantin Uşakov isə yığmada da eyni vəzifəni icra edəcək. 

Xatırladaq ki, ruslar oyunları paytaxtımızda keçiriləcək C qrupunda Türkiyə, Ukrayna və Bolqarıstanla play-off üçün yarışacaqlar. Bu gün Bakıya gələcək heyət isə aşağıdakı voleybolçulardan ibarətdir: 

Toppaylayıcılar: Yekaterina Pankova, İrina Filiştinskaya;
Blokçular: Yekaterina Yevdokimova, İrina Fetisova, Yekaterina Yefimova, İrina Koroleva;

Hücumçular: Kseniya Parubets, Nataliya Qonçarova, İrina Voronkova, Tatyana Koşeleva, Mariya Frolova, Yana Şerban;

Liberolar: Yekaterina Tretyakova, Svetlana Kryuçkova.