25 maydan etibarən Türkiyənin Bursa şəhərində təlim-məşq toplanışına start vermiş U-16 millimiz 29 may tarixində hazırlıq prosesinin ilk mərhələsini yekunlaşdırıb.

Millimiz təlim-məşq toplanışı çərçivəsində bir neçə yerli klubla hazırlıq oyununda da öz gücünü sınaqdan keçirib. Hazırlıq oyunlarında millimizin baş məşqçisi Erhan Toker bütün basketbolçulara şans verərək komandanın ümumi potensial gücünü yoxlayıb. Bundan əlavə millimiz Türkiyə çempionatında baş tutmuş "Tofaş" - "Bahçeşehir" pley-off oyununu canlı izləmək şansı da əldə edib.

Qeyd edək ki, hazırlıq prosesində əsas məqsəd 5-13 iyul Albaniyanın paytaxtı Tirana şəhərində keçiriləcək Avropa çempionatı "C" divizionunun oyunlarına hazırlaşmaqdır.