ESTAFET/ Qadın voleybolçular arasında keçirilən Avropa çempionatında artıq play-ff oyunları başa çatdı. Bakıda keçirilən bu mərhələdə bu gün son 2 qarşılaşma baş tutub və yığmamızın 1/4 finaldakı rəqibinin də kimliyinə aydınlıq gəlib.

Milli Gimnastika Arenasında baş tutan ilk qarşılaşmada Türkiyə millisi 1/4 final üçün Polşa yığması ilə qarşılaşıb. Gözəl oyunla seçilən türklər görüşü 3:1 hesabı ilə öz xeyirlərinə başa vurublar və 1/4 finalda Rusiya ilə qarşılaşacaqlar.

Digər qarşılaşmada isə yığmamızın rəqibi müəyyənləşirdi. Qrupda məğlub etdiyimiz Almaniya yığması bolqarlarla qarşılaşırdı. Çox gərgin keçən görüşün sonunda gülən tərəf almanlar olub - 3:2. 

Avro-2017, Play-off mərhələsi

27 sentyabr

Polşa - Türkiyə 1:3 (22:25, 25:27, 25:18, 23:25)

Bolqarıstan - Almaniya 2:3 (25:14, 20:25, 25:16, 19:25, 11:15)

Xatırladaq ki, digər 1/4 final qarşılaşmalarında İtaliya Hollandiya, Serbiya isə Belarusla görüşəcək.