BASKETBOLÇULARIMIZ YARIMFİNALDA
ESTAFET/ 16 yaşlılardan ibarət basketbol yığmamız Avropa çempionatının C Dvizionunda mübarizəsini uğurla davam etdirir. Xəbər verdiyimiz kimi, komandamız Kiprdə meydan sahibləri, Uels, Malta və San Marino komandaları ilə bir qrupda yer alır.
Bu gün keçirilən qrupun son oyununda yığmamız Malta komandası ilə görüşüb və meydanı 81:33 (22:5, 27:12, 16:9, 16:7) hesablı qələbə ilə başa vuraraq, adını yarımfinala yazdırıb. İyulun 23-də keçiriləcək yarımfinal qarşılaşmasında komandamızın rəqibi moldovalı həmyaşıdları olacaq.
