ESTAFET/ UEFA Çempionlar Liqasının qrup mərhələsinin üçüncü turunun oyunları çərçivəsində baş tutacaq "Qarabağ" - "Atletiko" (İspaniya) qarşılaşmasından öncə keçiriləcək mətbuat konfranslarının vaxtı açıqlanıb. Oktyabrın 17-də komandamızın baş məşqçsi Qurban Qurbanov saat 13:30-da Bakı Olimpiya Stadionunda media mənsublarının önünə çıxacaq.

Komandanın son məşqi isə saat 19:00-da "Azərsun Arena"da baş tutacaq. Məşqin ilk on beş dəqiqəsi mətbuat və azarkeşlər üçün açıq olacaq.

"Atletiko"nun baş məşqçisi isə saat 17:15-da Bakı Olimpiya Stadionunun mətbuat zalında jurnalistlərin suallarını cavablandıracaq. İspaniya təmsilçisinin son məşqi isə saat 18:00-da qarşılaşmanın keçiriləcəyi stadionda baş tutacaq.

"Qarabağ"ın oyunöncəsi son məşqini izləmək istəyən media mənsubları üçün Bakı Olimpiya Stadionundan "Azərsun Arena"ya xüsusi avtobus ayrılacaqdır.