ESTAFET/ Beynəlxalq Şahmat Federasiyası avqust ayı üçün yeni reytinq siyahısını açıqlayıb. Kişilərin siyahısında liderlik mövqeyi son illərdə olduğu kimi dəyişməz olaraq qalır -  burada 2857 reytinq xalı ilə norveçli vunderkind Maqnus Karlsen başçılıq edir. Siyahıda diqqətçəkən sıçrayış fransız Maksim Vaşyer-Laqrava məxsusdu - 2819. O buna Dortmund və Bil superturnirlərindəki uğurlu çıxışları sayəsində nail olub.

Kişilərin reytinq siyahısında ilk 100-lükdə 5 təmsilçimiz yer alır. Ötən aylarda olduğu kimi bu ay da şahmatçılarımıza liderliyi 2864 reytinq xalı ilə Şəhriyar Məmmədyarov edir. Şəhriyardan başqa 100-lükdə Teymur Rəcəbov (2722), Arkadiy Naydiç (2696), Eltac Səfərli (2678) və Rauf Məmmədov (2666) yer alıb.

Qadınların reytinq siyahısında da liderlik mövqeyi dəyişməzdi. Hou Yifan 2658 reytinq xalı ilə digər xanım zıka ustalarından böyük fərqlə öndə yer alıb. Qadınlarda ən yüksək göstərici hind Xarika Dronavalliyə (2542) məxsusdu - o karyerası ərzində ilk dəfə 5-ci mövqeyə qalxmağı bacarıb. Onun həmyerlisi Xampi Koneru isə 2580 reytinq xalı ilə 2-ciliyini geri qaytarıb.

Qadınların yüzlüyündə heç bir təmsilçimiz yer almayıb.