HALEPİN MONREAL UĞURU
ESTAFET/ Rumıniyalı raketka ustası Simona Halep ənənəvi Monreal turnirinin finalında amerikalı Medison Kisi 2:0 (7:6, 6:3) hesabı ilə məğlubiyyətə uğradaraq, karyerasında 14-cü, mövsümdə isə 3-cü titulunu qazandı. Qarşılaşma 1 saat 15 dəqiqə davam edib.
Xatırladaq ki, Simona Halep həmyerlisi Monika Nikulesku ilə birlikdə cütlərin yarışında da finala çıxıb və burada Rusiya təmsilçiləri Yelena Vesnina/Yekatirina Makarova cütü ilə qarşılaşacaqlar. Bu Halepin karyerasinda cütlərdə ilk finaldı.
