MİLLİMİZ MÜNASİB QRUPA DÜŞDÜ
ESTAFET/ Bu gün İsveçrənin Nyon şəhərində 19 yaşadək gənc futbolçular arasında Avropa çempionatının 2018/19 mövsümünün seçmə mərhələsi üçün püşkatma mərasimi keçirilib.
52 komandanın 13 qrupa bölündüyü mərhələdə Azərbaycan yığmasının da bu mərhələdəki rəqibləri bəlli olub.
Milli komandamız 1-ci qrupda Gürcüstan, İsrail və Lixtenşteyn yığmaları ilə elit-raund uğrunda mübarizə aparacaq.
Seçmə mərhələ oyunları 2018-ci il noyabrın 20-nə qədər başa çatacaq. 13 qrupun hərəsindən iki ən yaxşı komanda elit-raunda vəsiqə əldə edəcək. Portuqaliya və Almaniya isə birbaşa həmin mərhələdən yarışa qatılacaq. Final mərhələsi isə Ermənistanda keçiriləcək.
