ESTAFET/ Censon Batton həmvətəni, Formula 1 üzrə son Dünya çempionu Lyuis Hemilton haqda xoş fikirlər bildirib. O, 2010-2012 mövsümlərində Lyus Hemiltonla birgə "McLaren"in heyətində çıxışı zamanı gərgin mübarizədə qazandığı qələbələri karyerasının ən yaxşıları hesab edir. 

Censon Batton: "Bizim münasibətlərimiz çox maraqlı idi. Axı mən 2009-cu ildə titul qazandığım "Brawn GP"dən gəlmişdim, o isə "McLaren"lə 1 il öncə çempion olmuşdu. Mən onun komandasına gəlmişdim və bilirdim ki, məni prinsipial rəqiblə gərgin mübarizə gözləyir. İki britaniyalı pilot, Britaniya komandasında iki dünya çempionu - bizdən çox şey gözləyirdilər. Ancaq bu xoş idi, çox zövq aldım". (f1news.ru)