Abdullayevlə Nazarov toplanışa qatılmayacaq
ESTAFET/ Kiprin "Anortosis" klubunun futbolçusu Araz Abdullayev Azərbaycan millisinin Antalya toplanışına (25 yanvar - 2 fevral) cəlb olunmayacaq.
Yığmanın baş məşqçisi Qurban Qurbanov klubunda yaxşı oyun sərgiləyən Arazı toplanışa cəlb etməyəcək. Buna səbəb təcrübəli mütəxəssisin futbolçunu öyrəşməkdə olduğu komandadan uzaqlaşdırmaq istəməməsidi. Həm də, "Anortosis"in yanvarın 31-də ölkə çempionatında bir oyunu olacaq.
Arazdan başqa Dmitri Nazarov da toplanışda iştirak etməyəcək. "Ersgebirge"nin heyətində Almaniyanın II Bundesliqasında iki oyunu olan futbolçu düşərgədən kənar qalacaq.
