Sennanın "McLaren"i satışa çıxarılır
ESTAFET/ "Bonhams" auksion evi maraqlı satış elanı edib. Belə ki, məşhur Formula 1 pilotu, 3 qat Dünya çempionu Ayrton Sennanın 1993-cü ildə Monako Qran Prisini qazandığı McLaren MP4/8A maşınını hərraca çıxaracaq. Satış bu ilin 11 may tarixində Monte-Karloda baş tutacaq. Gələn ayın 6-8 tarixlərində isə maşın Parisin Böyük Sarayında nümayiş olunacaq.
Bu il, həmin qələbənin 25 ili tamam olur. Senna hərraca çıxarılacaq bu maşınla 7 yürüşdə iştirak edib - İspaniya, Monako, Kanada, Fransa, Böyük Britaniya, Belçika və İtaliya.
