ESTAFET/ Rusiyanın paytaxtı Moskva şəhərində şahmatçılar arasında Dünya Çempionu Mixail Talın şərəfinə keçirilən növbəti superturnir təşkil ediləcək. 25 sentyabr - 6 oktyabr tarixlərində sayca 10-cu olan "Memorial Mixail Tal" superturnirinin iştirakçıları da artıq müəyyənləşib. Yığmamızın lideri Şəhriyar Məmmədyarov da iştirakçılar arasındadır. Turnirin tam heyəti isə belədir:

Vladimir Kramnik (Rusiya) - 2808

Levon Aronyan (Ermənistan) - 2795

Vişvanatan Anand (Hindistan) - 2776

Şəhriyar Məmmədyarov (Azərbaycan) - 2761

Aniş Giri (Hollandiya) - 2755

Li Çao (Çin) - 2746

Pyotr Svidler (Rusiya) - 2745

Boris Qelfand (İsrail) - 2743

Yan Nepomnyaşiy (Rusiya) - 2740

Yevgeni Tomaşevskiy (Rusiya) - 2731

Turnir keçiriləcəyi məkan kimi Moskva Rus İmpressionizmi Muzeyi seçilib. Püşkatma sentyabrın 25-i keçiriləcək blitsturnirlə müəyyənləşəcək. İştirakçılar 9 turdan ibarət birdövrəli sistemlə mübarizə aparacaqlar. 2-ci və 6-cı turdan sonra isştirakçılar üçün istirahət nəzərdə tutulub.