ESTAFET/ Səudiyyə Ərəbistanı milli komandasının bir neçə üzvü və məşqçilərindən ibarət heyət və Küveytin Al-Shabab klubunun məşqçi və idmançıları Azərbaycan Milli Karate Federasiyasının təlim-məşq bazasında karateçilərimizlə birgə məşqlərdə iştirak ediblər.

Milli komandamızın məşqçiləri və idmançılarla birgə hazırlıqda təcrübələrini artıran qonaqlar məşqlərdən razı qalıblar. Al-Shabab klubunda müqavilə əsasında işləyən həmyerlimiz Elnur İbrahimov Küveyt klubu adından federasiya prezidenti Yaşar Bəşirova və milli komandanın baş məşqçisi Şahin Xudaverdiyevə fəxri diplom təqdim edib.

Belə yoldaşlıq təlim-məşqlərinin uşaq və gənclər arasında təcrübə mübadiləsinə və dostluq əlaqələrinin möhkəmlənməsində böyük rolu olduğu qeyd edilib, həmçinin gələcəkdə belə görüşlərin davam etdirlməsi planlaşdırılıb.