ESTAFET/ Sablya üzrə yığma komandamızın üzvləri 8-9 dekabr tarixlərində Türkiyənin Ankara şəhərində keçirilən U-10,U-12 və U-14 yaşlı idmançılar arasında keçirilən açıq turnirdə iştirak ediblər.

14 yaşadək qız qılıncoynadanların yarışında sablyaçılarımızdan ən yaxşı göstəriciyə Zərifə Hüseynova imza atıb. Hüseynova 112 iştirakçının qatıldığı turnirdə 12-ci yeri tutub. Xədicə Şamilova 26, Afət Mursqulova isə 50-ci olub. 12 yaşadək oğlanların mübarizəsində Murad Muradov 172 sablyaçı arasında 52-ci nəticə göstərib. 168 iştirakçının qatıldığı 14 yaşadək oğlanların yarışında isə Ayxan Xasiyev 12, Murad Muradov 38, Nurlan Zeynallı isə 108-ci olub.