ESTAFET/ Beynəlxalq Qılıncoynatma Federasiyası Fransanın paytaxtı Parisdə cari ilə yekun vurub. Ənənəvi olaraq, hər ilin sonunda keçirilən konqresdə 135 milli federasiyaların nümayəndələri, icraiyyə komitəsinin üzvləri, təşkilat şuralarının komissiyaları və fəxri qonaqlar iştirak edib. "Qılıncoynatma - bizim gələcəyimizdir" şüarı altında keçirilən iclasda bu idman növünün gələcək inkişaf perspektivləri müzakirə edilib, müvafiq qərarlar qəbul edilib.

Azərbaycan Qılıncoynatma Federasiyasını FİE-nin konqresində baş katib Vasif Məmmədov təmsil edib. İclasdan sonra qurumun 105 illiyi ilə bağlı qala gecə keçirilib.