ESTAFET/ "Sərhədçi" Olimpiya İdman Kompleksində yeniyetmə cüdoçular arasında keçiriləm Azərbaycan birinciliyinə yekun vurulub. Yarışda 80 klubdan 612 cüdoçu medallar uğrunda mübarizə aparıb. Respublika birinçiliyində fərqlənən yeniyetmələrə medallar, Gənclər və İdman Nazirliyi, Azərbaycan Cüdo Federasiyasının fəxri fərmanları və diplomları təqdim olunub.

Medalların əyarına görə komanda yarışının qalibləri də müəyyənləşib. Ümumi hesabda daha yaxşı nəticə göstərən "Neftçi İdman Klubu" 1-ci yerə layiq görülüb. "Cüdo 2012" klubu 2-ci, "Balaxanı Olimpiya İdman Kompleksi"nin komandası isə 3-cü yeri tutub. Qeyd edək ki, yeniyetmə cüdoçuların ölkə birinciliyində fərqlənənlər milli komandanın heyətinə cəlb olunacaqlar.