ESTAFET/ Bu gün futzal üzrə Azərbaycan Yüksək Liqasında XXII turun iki oyunu keçirilib. Bu dəfə turnir cədvəlinin qonşu pillələrində yer alan komandalar üz-üzə gəlib. “Neftçi” – “Xəzər Cənub” dueli daha maraqlı alınıb. Komandalar arasında 1 xallıq fərqin olması da matça marağı artıran məqamlardan idi. Oyunda hesabı “Neftçi” açıb. “Neftçi”nin iranlı legioneri adını tabloya yazdırıb. Kifayət qədər sərt keçən duelin fasiləsinə qədər “Xəzər Cənub” məğlubiyyətdən qaçmağı bacarıb. Lənkəran təmsilçisi hətta hesabı lehinə də dəyişib. Düzdü, “Neftçi” status-kvonu bərpa etməyə imkan tapıb, amma təcrübəli Qalapur “sülh”ü erkən pozub. Borisov isə az sonra 10 metrlik zərbəni dirəyə tuşlayıb. Paytaxt təmsilçisinin imdadına Şəfayi yetişib. Onun zərbəsi Raşidi üçün qarşısıalınmaz olub. Balakişiyev isə son dəqiqədə 10 metrlik zərbəni dəqiq yerinə yetirə bilməyib. Nəticədə komandalar fasiləyə “sülh”lə yollanıb. İkinci hissədə het-trik edən Balakişiyev komandasını bir qədər gərginlikdən çıxarıb. Sonrakı dəqiqələrdə nominal qonaqlar qapıçını da hücumda qoşsa da, məlubiyyətdən qaça bilməyib. Günün ikinci oyununda isə “Yasamal” İSK qələbə qazanıb və son pilləni “Liman”a təhvil verib. Tura martın 25-də keçiriləcək “Araz” – “Yasamal” MFK Baku oyunu ilə yekun vurulacaq. 

Futzal, Yüksək Liqa

XXII turun oyunları

15 mart 2019

"Neftçi" İK – "Xəzər Cənub"  8:6

Qollar: Vahid Şəfayi, 01:42, 16:50, 25:17, Vitali Borisov, 14:29, Rüfət Balakişiyev, 22:01, 22:23, 23:45, Rəcəb Fərəczadə, 34:36 – Şahab Şahnaz, 12:02, Amir Şocayi, 12:54, Raşid Qalapur, 15:18, 35:38, İsaq Surqalı, 39:28, 39:34

Hakimlər: Azər Əsgərov, Anar Fərəcov, Fuad Həsənov

"Liman" – "Yasamal" İSK  6:11

Qollar: Elsevər Əliyev, 20:46, 35:41, Elvin Mirzəyev, 23:30, 38:09, Mansur Əhmədzadə, 27:50, 38:09 - İbad Məmmədov, 06:44, Nihad Mahmudov, 07:55, 23:27, Məhərrəm Orucov, 17:35, 21:21, Məhəmməd Eyniyev, 19:15, Amil Əlimirzəyev, 30:19, 32:02, Vüsal Səfərov, 36:23, 37:09, Davud Bagheri, 37:32

Hakimlər: Azad Hüseynov, Ramiz Məhərrəmov, Vüsal Balaşov