ESTAFET/ Bu gün İtaliyanın Faenza şəhərində yeniyetmə güləşçilər arasında Avropa çempionatı start götürüb.

İlk yarış günündə 48, 55, 65, 80 və 110 kq-da çıxış edən yunan-Roma güləşçiləri mübarizə aparır.
1/4 finaldan mübarizəyə qoşulan Məlik Əliyev İsrail təmsilçisinə heç bir şans verməyərək adını yarımfinala yazdırıb.

Nihad Məmmədli gərgin keçən ilk görüşdə Rusiya pəhləvanını üstələyib.

Xasay Həsənli qitə birinciliyinə inamlı start verib. Həmyerlimiz ilk görüşdə macar rəqibini vaxtından əvvəl məyus edib. Həsənli Xorvatiya idmançısına da göz açmağa imkan verməyib. Rəqibinə ilk hissədə qalib gələn Xasay yarımfinala yüksəlib.

Əlisəftər Məmmədli ilk mərhələdə Xorvatiya güləşçisinə qalib gəlib. Ancaq Əlisəftər növbəti görüşdə moldovalı həmkarıyla bacarmayıb.

Əli Fərmanov Ukrayna idmançısına məğlub olub.

48 kq
1/4 final: Məlik Əliyev - Melkamu Fetene (İSR) 9:0
1/2 final: Məlik Əliyev - Maksim Stupakeviç (BLR)

55 kq
1/8 final: Nihad Məmmədli - Artyom Kolesnik (RUS) 3:1
1/4 final: Nihad Məmmədli - Seyitcan Beytekin (TUR)

65 kq
1/8 final: Xasay Həsənli - Atilla Toesmaqi (HUN) 12:1
1/4 final: Xasay Həsənli - Kristian Bosnyak (CRO)
1/2 final: Xasay Həsənli - İmran Baboçiyev (RUS)

80 kq
Təsnifat: Əlisəftər Məmmədli - Tomislav Brkan (CRO) 3:1
1/8 final: Əlisfətər Məmmədli - Qabriel Lupasko (MDA) 1:4

110 kq
Təsnifat: Əli Fərmanov - Mixaylo Vişnivetski (UKR) 1:7