ESTAFET/ Bu il 31 oktyabr - 1 noyabr tarixlərində Bakıda stend atıcılığının "Kompak Sporting" növü üzrə Azərbaycan Çempionatı keçiriləcək.

Estafet.az xəbər verir ki, çempionat Azərbaycan Atıcılıq Federasiyasının təşkilatçılığı ilə, Gənclər və İdman Nazirliyinin vahid təqvim planına əsasən baş tutacaq.

Beynəlxalq Atıcılıq və Ovçuluq Federasiyasının (FİTASC) qaydalarına uyğun olaraq yarışma 3 kateqoriyada keçiriləcək:

1) Seniyorlar - 150 hədəf
2) Yuniyorlar - 100 hədəf
3) Xanımlar - 100 hədəf

Yarışma Novxanı atıcılıq klubunda saat 11:00-da başlayacaq. Bütün atıcılar dəvətlidir. İştirak etmək istəyənlər müraciət edərək qeydiyyatdan keçə bilərlər.

Yarışda iştirak ödənişlidir. İştirak haqqı 135 manatdır. Yarış zamanı 12 kalibirli odlu idman silahından istifadə olunacaq. Kluba getmək üçün federasiya iştirakçıları nəqliyyat vasitəsi ilə təmin edəcək. İştirakçıların yüngül idman formasında və idman ayaqqabısında gəlmələri tövsiyə olunur.

Əlavə məlumatlar üçün əlaqə:
050 223 51 10
012 492 55 59.