ESTAFET/ Bugündən Şarca (BƏƏ) şəhərində mükafat fondu 60 000 dollar (qalib 15 000 qazanacaq) olan 1-ci Beynəlxalq "Sharjah Masters" şahmat turniri start götürür. Öncədən verilən məlumata görə millimizin lideri Şəhriyar Məmmədyarov da turnirdə iştirak etməli idi. Lakin Şəhriyar turnirdə iştirakdan imtina edib. 

Turnirdə Azərbaycan şahmatçılarından Eltac Səfərli, Zaur Məmmədov, Orxan Abdulov, Zeynəb və Türkan Məmmədyarovalar, Nərmin Xələfova, Kənan Qarayev və Nərmin Məmmədova öz zəkalarını göstərəcəklər. Ümumilikdə isə, turnirdə 229 şahmatçı mübarizə aparır. 

İştirakçılar arasında Radoslav Voytaşek (Polşa, 2745), Yuriy Krivoruçko (Ukrayna, 2708), Maksim Matlakov (Rusiya, 2702), Etyen Bakro (Fransa, 2695), Vanq Hao (Çin, 2683) və digər güclü şahmatçılar yer alır.