Fransada yeni mövsümün təqvimi təsdiqləndi
ESTAFET/ Koronavirus pandemiyası üzündən yarımçıq başa çatdırılan Fransa Liqa1-də növbəti mövsümün təqvimi müəyyənləşib. Təqvimi Peşəkar Futbol Liqasının Direktorlar Şurası təsdiqləyib.
2020/21 mövsümü avqustun 22-də başlayacaq. İlk turun görüşləri iki gün ərzində keçiriləcək.
Qış fasiləsi dekabrın 23-dən yanvarın 6-dək sürəcək. Çempionata 2021-ci il mayın 23-də yekun vurulacaq. Mayın 27-də və 30-da Liqa1-də oynamaq uğrunda pley-off qarşılaşmaları baş tutacaq.
Qeyd edək ki, 2019/20 mövsümündə PSJ çempion elan olunub.
