ESTAFET/ Bu gün "Qarabağ" Qəbələdəki təlim-məşq toplanışı çərçivəsində 2-ci yoxlama matçını keçirib. UEFA Çempionlar Liqasındakı təmsilçimiz "Sabah"la görüşüb. 

Bu dəfə hərəsi 45 dəqiqəlik 2 hissə oynayan Ağdam komandası 1:2 hesabıyla uduzub. Halbuki, xorvatiyalı yarımmüdafiəçi Filip Ozobiçin ertkən qoluyla "Qarabağ" hesabı açıb. Ancaq ikinci hissədə oyunun ssenarisi dəyişib. Belə ki, "Sabah"ın paraqvaylı hücumçusu Xulio Rodeiges fasilədən sonra hesabı bərabərləşdirib. Matçın sonunda isə Təmkin Xəlilzadə penaltiylə qələbə topuna imza atıb. Bununla da komandanın ispaniyalı baş məşqçisi Visente Qomes qeyri-rəsmi debütündə çempion üzərində əzmkar qələbə qazanıb. 

Xatırladaq ki, "Qarabağ" Qəbələdə ilk sınaq matçında "Keşlə"ylə hərəsi 30 dəqiqə olmaqla 3 hissəlik dueldə 3:1 hesablı əzmkar qələbəyə imza atmışdı. (sport24.az)