ESTAFET/ 7 və 12 may tarixlərində stolüstü tennis üzrə Avropanın əsas klub turniri olan ETTU Çempionlar Liqası keçiriləcək. Qeyd edək ki, turnir bu adla 19-cu dəfə keçirilir. Bunadək isə 1960/61-ci il mövsümündən turnir Avropa Çempionlar Kuboku adlanırdı.

Finalda 3-cü dəfə Orenburq (Rusiya) və Düsseldorf (Almaniya) şəhərlərindən olan "Fakel-Qazprom" və "Borrusiya" komandaları qarşılaşacaq. Ümumi hesabı 1:1 olan final qarşılaşmalarının həlledici görüşləri Mayın 7-də Düsseldorfda, 12-də isə Orenburqda oynanılacaq. Stolüstü tennis həvəskarları hər iki görüşü laola1.tv kanalı vasitəsilə canlı izləyə bilərlər.